Grímsey er nyrsta eyja okkar Íslendinga

Til Grímseyjar er flogið frá Reykjavík og Akureyri.  Ef flogið er frá Reykjavík þá er millilent á Akureyrarflugvelli.

Grímsey er nyrsta eyja okkar Íslendinga og ein þeirra minni sem í byggð eru. Á henni hvílir mikill ævintýraljómi, því um hana þvera liggur heimskautsbaugur.

Gistiheimili og veitingahús í Grímsey

Miðnætursól við heimskautsbaug er ógleymanleg sjón, enda munu margir leggja leið sína til eyjarinnar til þess að geta státað af því að hafa komið yfir á Norðurheimskautshelming heimskringlunnar.

Gistiheimili og veitingahús eru í Grímsey og hefur ferðamönnnum fjölgað mikið á undanförnum árum. Eyjan er 5,3 ferkílómetrar að stærð og því hægt að komast um hana þvera og endilanga fótgangandi á dagparti.

Flugvallaruppslýsingar

Flugfélag Íslands
Grímseyjarflugvelli
611 Grímsey
Netfang: gryap@flugfelag.is
 

Umboð

Ragnhildur Hjaltadóttir 
Gerðubergi   
Sími 467 3148
Fax 467 3178