Flugfélag Íslands

Flugfélag Íslands er öflugt en sveigjanlegt flugfélag sem starfar á innanlandsmarkaði en þjónar einnig öðrum vest-norrænum löndum svo sem Færeyjum og Grænlandi.

Flugfélagið býður margs konar þjónustu bæði innanlands sem utan. Félagið hefur aukið hlut sinn í ferðaþjónustu innanlands með sérferðum til ýmissa staða, þar sem í boði eru skipulagðar skoðunarferðir sem hæfa öllum ferðalöngum. Félagið er í mikilli samvinnu við alla ferðaþjónustu á Íslandi.

Flugfélagið leigir vélar sínar út í ýmis verkefni til opinbera aðila eða einkaaðila, bæði með og án áhafna, allt eftir óskum.

Í Reykjavík rekur Flugfélagið viðhaldsþjónustu sína sem sinnir Fokker50 og Dash8 flugvélunum. Þrautþjálfaðir starfsmenn fást þar við alla hugsanlegar viðgerðir á vélum félagsins sem og vélum annarra flugfélaga erlendis frá sem hingað leita.

Flugfélagið Íslands, sem er í eigu Icelandair Group,  rekur aðalskrifstofu sína í Reykjavík, en á varnarþing sitt á Akureyri. Hjá Flugfélagi Íslands starfa um 250 manns.

Flugfélagið er mjög framsækið og metnaðarfullt félag og ætlar sér að ná langt í framtíðinni.