Vestfirðir
Á Ísafirði við Djúp er mikil náttúrufegurð og tilvalið fyrir þá
sem hafa yndi af útiveru, stórbrotnu landslagi og fjölskrúðugu
fólki að heimsækja þessar slóðir.
Stórkostlegar gönguleiðir
Gönguleiðir vísa fróðleiksþyrstum ferðalöngum á merka sögustaði,
bæði mennska og ómennska. En í stórfenglegum fjöllum hljóta að búa
tröll og forynjur. Eyðibýli, álfasteinar og huldufólkskletta er þar
líka að finna.
Senda
fyrirspurn
Verbúðarlífið
Við ströndina ólgar hafið, órjúfanlegur þáttur í daglegu lífi
Íslendinga frá örófi. Í endurgerðri gamalli verbúð, Ósvör við
Bolungarvík, má sjá gamla , fisjóbúðskihjalla og hvernig líf
íslenskra sjómanna var á dimmum og köldum vetrarvertíðardögum.
Menning
Ísfirðingum hefur tekist að skapa vinalegt samfélag og einstakan
menningarheim í bæ sínum. Nikkuböll í Neðstakaupstað eru tilvalinn
fyrir hópinn sem kominn er til að kanna náttúru, mannlíf og
menningu á Vestfjörðum. Slunkaríki er staður sem enginn má fara
framhjá. Þar sýna jafnan fremstu listamenn þjóðarinnar verk
sín.
Mannlíf
Margir bæjarbúar hafa mikinn áhuga á pólitík enda hafa
Ísfirðingar lengi vel gegt lykilhlutverki í þjóðmálaumræðu
Íslendinga. Í innanbæjarkosningum eru venjulega fjölmargir listar í
boði, svo fjölbreytni er þar mikil í mannlífi.
Það geta allir sannreynt með því að eiga ógleymanlega daga við
Djúp.
Gerum tilboð í flugverð fyrir hópa (10+)
Pakkaferðir
Flugfélag Íslands býður pakka sem innihalda flug og gistingu.
Allar upplýsingar er hægt að fá hjá hópadeild Flugfélags Íslands í
síma 570-3075 eða með því að senda póst á hopadeild@flugfelag.is
Samstarfsaðilar Flugfélagsins
