Eftir stuttan akstur í gegnum gamla bæinn á Akureyri og heillandi miðbæinn ökum við sem leið liggur í gegnum frjósöm beitilönd Eyjafjarðar en hann er lengsti fjörður á Íslandi. Há fjöll og dalir sem ísaldarjöklar hafa mótað eru heillandi sjón. Á leiðinni förum komum við að hinum fræga sögustað Möðruvöllum og þar sjáum við dæmigerða sveitakirkju frá 19. öld. 

Lengra inn eftir firðinum sést Hrísey tilsýndar en þar er ríkulegt fuglalíf. Íbúafjöldi Hríseyjar er 200. Þrátt fyrir fjarlægðina á milli eru Akureyri og Hrísey sameinað sveitarfélag.

Eftir heillandi útsýni fjallanna sem afmarka Svarfaðardal komum við inn í Dalvík sem er lítið sjávarþorp (til gamans: Google skýrði sýndarvélina sína í stýrikerfi Android Dalvík) leiðir vegurinn okkur um tilkomumikið landslag í gegnum stutt einbreið göngin til Ólafsfjarðar sem er umluktur háum fjöllum.

Þaðan förum við í gegnum Héðinsfjarðargöng, en áður en þau voru opnuð var eingöngu hægt að komast til Héðinsfjarðar sjóleiðina eða yfir fjöll. Við stoppum stutt í dalnum til að fanga náttúrufegurðina í ljósmyndir áður en við höldum áfram í gegnum Héðinsfjarðargöng.

Síðan er haldið til Siglufjarðar sem var stærsti fiskvinnslustaður landsins á síldarárunum.

Á Síldarminjasafninu á Siglufirði fáum við innsýn í þennan tíma og upplifum andrúmsloft síldaráranna.

Þó að við ökum sömu leið til baka til Akureyrar upplifum við alveg nýtt sjónarhorn á landslagið og náttúruna.