Gældu við bragðlaukana

Komdu á vit ævintýra þar sem reynt er á bragðlaukana jafnt sem önnur skilningarvit.  Hér er haldið er um sjó og sveitir Eyjafjarðar og framleiðendur á eyfirsku hráefni heimsóttir.

Við siglum um fjörðinn,  skoðum kræklingarækt og komum við í Hrísey þar sem hádegisverður er snæddur í húsi Hákarla Jörundar.  Leið okkar liggur í heimsókn til veiðimanna, fiskverkenda, kjötframleiðenda og bruggara. Við munum njóta þess að smakka sýnishorn af hinni fjölbreyttu eyfirsku matvæla flóru í því umhverfi sem hún er ræktuð, veidd, alin eða unnin í.

Þessi ferð er upplifun fyrir hvern sælkera og allir ættu að geta notið þeirra kræsinga sem upp á er boðið.