Hrávara frá Grænlandi

Hér undir eru punktar varðandi innflutning á hráu kjöti til Íslands. Gott er að taka tillit til þessa þegar veiðiferð til Grænlands er skipulögð.

• Við komu til landsins tekur Tollgæslan kjöt/fisk í sína gæslu úr flugi frá Grænlandi. Leyfi hljóða yfirleitt uppá 3 kg, allt umfram 3 kg þarf að tollafgreiða sérstaklega. Veiðimaður/farþegi þarf sjálfur að sjá um tollafgreiðslu á sínu kjöti/fiski.
• Tollgæslan geymir hrávöruna í frysti Flugfélags Íslands.
• Ferðamanninum er afhent farmskrá frá Tollgæslunni sem notuð er til að skrá hrávöruna inn til tolls.
• Best væri svo að hafa samband við einhvern af tollmiðlurum landsins til dæmis TVG ZIMSEN, Jónar Transport eða Miðlun í Keflavík til þess að tollafgreiða kjötið/fiskinn.
• Í flestum tilvikum þarf að greiða toll af kjötinu/fisknum.

Þegar það er frágengið fær veiðimaður/farþegi afhenta tollafgreiðsluheimild hjá tollmiðlaranum sem nauðsynlegt er að hafa til þess að fá kjötið/fiskinn afhent hjá Flugfélagi Íslands.

Engin hrávara er afhent út úr húsi án tollafgreiðsluheimildar.